दाङबाट गणतन्त्र दिवसको अवसरमा १४ जना कैदीबन्दी रिहा भएका छन् । तुलसीपुर कारागारबाट ११ जना र घोराही कारागारबाट तीन जना गरी १४ जना कैदीबन्दीको बाँकी कैद मिनाह भएको हो ।
प्रमुख जिल्ला अधिकारी सुशिल वैद्यका अनुसार तुलसीपुर कारागारबाट कर्तव्य ज्यान, बहुविवाह, नकवजनी चोरीका गरी ११ जना र घोराहीबाट तीन जना कैदीबन्दीको बाँकी कैद मिनाह भएको छ । कैद मिनाह हुने सबै पुरुष रहेका छन् ।
कैद मिनाहा भएका कैदीबन्दीहरुलाई उनीहरुको आफन्तीको रोहबरमा आज छोडिने छ । ५० प्रतिशत कैद भुक्तान गरेका कैदीबन्दीको बाँकी कैद मिनाह भएको कारागार प्रशासनले जनाएको छ ।
प्रकाशित मिति : २०८० जेष्ठ १५ गते सोमवार
