दाङ, २७ पुस । इलाका प्रहरी कार्यालय तुलसीपुरमा बालिका बलात्कारमा परेको घटना सार्वजनिक भएको छ । दाङ तुलसीपुरको बाहिनी चोक नजिकै रहेको मयुर होटेलमा १४ वर्षका किशोरले डरत्रास देखाउँदै होटेलमा लगेर १३ वर्षकी बालिकालाई बलात्कार गरेको भन्दै प्रहरीमा उजुरी परेपछि घटना सार्वजनिक भएको हो । विद्यालय स्रोतका अनुसार बालिकाको स्वास्थ्य परीक्षण समेत गरिएको छ । घटना पुस २१ गते बिहान ८ बजे भएपनि उजुरी मंगलबार परेको हो ।
दुवैजना एउटै विद्यालयमा पढ्दै आएका थिए । बलात्कार आरोपी पनि बालबालिकाको उमेर भित्र पर्ने भएकाले नाम गोप्य राखिएको छ । स्रोतका अनुसार उजुरी पश्चात स्वास्थ्य परीक्षण गरिएको भए पनि प्रहरीले भने आधिकारिक रुपमा पुष्टि गरेको छैन ।।
प्रकाशित मिति : २०७९ पुष २७ गते बुधवार
