ब्राउन सुगरसहित दाङकाे घोराहीबाट दुई जना पक्राउ परेका छन् । घोराही उपमहानगरपालिका-१६ सर्रामा लागूऔषधको कारोबार भइरहेको सूचनाका आधारमा गएको प्रहरी टोलीले मंगलबार ब्राउनसुगरसहित दुई जनालाई पक्राउ गरेको हो ।
शंकास्पद अवस्थामा हिँडिरहेका कोहलपुर नगरपालिका-२ बाँकेका ३६ वर्षीय उमंगबहादुर शाही र भारत रुपैडिहाका ५२ वर्षीय समसुललाई खानतलासी गर्दा ३७ ग्राम २९ मिलिग्राम ब्राउनसुगरसहित पक्राउ गरिएको जिल्ला प्रहरी प्रवक्ता डिएस्पी राजनकुमार गौतमले बताए ।
उनीहरुलाई नियन्त्रणमा राखेर थप अनुसन्धान गरिरहेको उनले जानकारी दिए ।
प्रकाशित मिति : २०७९ माघ ४ गते बुधवार
