अभिनेता पल शाह दाङ आउने भएका छन । घोराहीमा हुन लागेको बृहत् सांस्कृतिक कार्यक्रम २०७९ मा सहभागी हुनका लागी अभिनेता पल शाह आफ्नो गृह जिल्ला आउन लागेका हुन । डिटेन नेपाल इन्टरटेनमेन्ट मिडिया प्रालिको आयोजनामा यही चैत्र ९ देखि ११ गतेसम्म घोराही १४ झिगौंरामा हुने वृहत सांस्कृतिक कार्यक्रममा सहभागी हुने छन् ।
आयोजक डिटेन नेपाल इन्टरटेनमेन्ट मिडिया प्रालिले बुधबार घोराहीमा पत्रकार सम्मेलनको आयोजना गरेर कार्यक्रमका बारेमा जानकारी गराएको हो । सांस्कृतिक कार्यक्रममा नायक पल शाहसहित गायक प्रमोद खरेल, लोकदोहोरी गायक पशुपति शर्मा लगायतका कलाकारहरू आउने भएका छन । साथै आयोजकले स्थानीय कलाकारहरूलाई पनि विशेष स्थान दिने बताएका छन् ।
प्रकाशित मिति : २०७९ चैत्र १ गते बुधवार
