काठमाडौं, १८ चैत । सरकारले अर्थमन्त्री वर्षमान पुनको सल्लाहकारमा अर्थशास्त्री प्रा.डा. सूर्यबहादुर थापालाई नियुक्त गरेको छ । त्रिभुवन विश्वविद्यालयको उपकुपतिको दाबेदार रहेका अर्थशास्त्री थापालाई बिहीबार बसेको मन्त्रिपरिषद् बैठकले मन्त्री पुनको प्रमुख आर्थिक सल्लाहकारमा नियुक्त गरेको हो । उनी त्रिभुवन विश्वविद्यालयमा अर्थशास्त्रका प्राध्यापक हुन् ।
माओवादीनिकट प्राध्यापक थापा त्रिविको उपकुलपतिका लागि पार्टी कमिटीबाट सिफारिस भएका थिए । तर, उपकुपति छनोट प्रक्रिया खुला प्रतिस्पर्धामा गएको थियो ।
खुला प्रतिस्पर्धाका बेलामा पनि उनी दाबेदार थिए । यद्यपि, उनी अन्तिम तीन जनाको सूचीमा भने पर्न सकेनन् ।
प्रकाशित मिति : २०८० चैत्र १८ गते आइतवार
