दाङ, १४ जेठ । प्राविधिक समस्याका कारण दाङसहित रुकुमसम्मका जिल्लामा नेपाल टेलिकमको टेलिफोन सेवा अवरुद्ध भएको छ । दाङको लमहीदेखि घोराहीतर्फ आउने बाटोमा प्राविधिक समस्याका कारण नेपाल टेलिकमको टेलिफोन सेवा सोमबार बिहान करिब पौने १० बजेदेखि अवरुद्ध भएको नेपाल टेलिकम तुलसीपुरका प्रमुख सन्तोष शर्मा अधिकारीले जानकारी दिए ।
उनका अनुसार प्राविधिक समस्याका कारण घोराही, तुलसीपुर, सल्यान, रुकुम लगायतका क्षेत्रमा सबै प्रकारका मोबाइल र ल्यान्डलाइन सेवा प्रभावित हुँदा नागरिकहरूलाई समस्या भएको छ । फोन नलाग्ने समस्या आएपछि टेलिकमका सेवाग्राही मर्कामा परेका छन् भने प्राविधिकको टोलीले मर्मतको काम गरिरहेको उनले बताए ।
प्रकाशित मिति : २०८१ जेष्ठ १४ गते सोमवार
