काठमाडौ, १८ साउन । काभा महिला भलिबल नेसन्स लिगमा आज दुई खेल हुँदैछन् । पहिलो खेलमा इरान र श्रीलङ्काबीच प्रतिस्पर्धा हुँदा दोस्रो खेलमा माल्दिभ्सले भारतको सामना गर्नेछ । हिजो भएको प्रतियोगिताको उद्घाटन खेलमा नेपालले श्रीलङ्कालाई ३–० को सोझो सेटमा हराएको थियो ।
हिजो नै भएको खेलमा भारतले इरानलाई ३–१ ले हराएको थियो । नेपालले दोस्रो खेल भारतसँग भोलि खेल्नेछ । त्रिपुरेश्वरस्थित राष्ट्रिय खेलकुद परिषद्को कभर्ड हलमा भइरहेको प्रतियोगितामा नेपालसहित भारत, श्रीलङ्का, माल्दिभ्स र इरानको सहभागिता रहेको छ ।
प्रकाशित मिति : २०८१ साउन १८ गते शुक्रवार
