भरुवा बन्दुकसहित २ जना पक्राउ

दाङ, २७ साउन । दाङको तुलसीपुरमा भरुवा बन्दुकसहित २ जनालाई प्रहरीले पक्राउ गरेको छ । पक्राउ पर्नेमा तुलसीपुर–४ सुनवलपुर निवासी ३६ वर्षीय टंक बहादुर सिंजाली र सोही ठाउँका २९ वर्षीय युबराज गिरी रहेको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिएका हुन ।

उनका अनुसार तुलसीपुर–४ को ठुलाखालीमा गस्ती गर्ने क्रममा सोही ठाउँको गादीबरा सामुदायीक वनमा संकास्पद रुपमा हिडिरहेका उनीहरुलाई खानतलासी गर्दा भरुवा बन्दुक फेला परेपछी पक्राउ गरिएको हो । उनीहरुको साथबाट प्रहरीले एक थान भरुवा बन्दुकसहित २१ राउण्ड गोली छर्रामेत बरामद गरेको छ ।