काठमाडौ, १४ असोज । संयुक्त राष्ट्रसङ्घको महासभामा भाग लिएर प्रधानमन्त्री केपी शर्मा ओली आज स्वदेश फर्किदै छन । उनि आज अपराह्न ४ बजे त्रिभुवन अन्तर्राष्ट्रिय विमानस्थलमा आइपुग्ने कार्यक्रम रहेको छ । संयुक्त राष्ट्रसङ्घको ७९ औँ महासभामा भाग लिन प्रधानमन्त्री ओली असोज ४ गते न्यूयोर्क गएका थिए ।
संयुक्त राज्य अमेरिकाको न्युयोर्कस्थित राष्ट्रसङ्घीय मुख्यालयमा भएको महासभाका कार्यक्रम सम्पन्न गरी उनि हार्वड विश्वविद्यालयको कार्यक्रमका लागि बोस्टन गएका थिए । प्रधानमन्त्री ओलीले असोज १० गते महासभालाई सम्बोधन गरेका थिए भने न्यूयोर्कमा रहँदा उनले विभिन्न देशका सरकारका प्रमुख तथा प्रतिनिधिसँग कुराकानी गरेका थिए ।
प्रकाशित मिति : २०८१ असोज १४ गते सोमवार
