दाङ, ३१ साउन । नेपाल कपडा तथा सिलाई व्यवसायी संघ दाङको चौथो साधारणसभा तथा तेस्रो अधिवेशनबाट तुलसीपुरका युवा व्यवसायी सुरेन्द्र परियार अध्यक्षमा सर्वसम्मत चयन भएका छन ।
तुलसीपुर उद्योग वाणिज्य संघमा आज सम्पन्न अधिवेशनले परियारको नेतृत्वमा नयाँ कार्यसमिति सर्वसम्मत चयन गरेको हो । परियार तुलसीपुरको ‘ख’ लाइनस्थित डायमण्ड टेलरिङ शपका सञ्चालक हुन ।
अधिवेशनमा नेपाल कपडा तथा सिलाई व्यवसायी संघका वरिष्ठ केन्द्रीय उपाध्यक्ष कालीप्रसाद नेपालीको प्रमुख आतिथ्यता रहेको थियो । संघका पूर्व जिल्ला सचिव फत्ते परियारको सहजीकरणमा सम्पन्न अधिवेशनको अध्यक्षता संघका पूर्व अध्यक्ष पदम नेपालीले गरेका थिए भएको थिए ।
अधिवेशनले अध्यक्षसहित सम्पूर्ण कार्यसमिति सर्वसम्मत रूपमा चयन गरेको जनाइएको छ । नयाँ नेतृत्वले कपडा तथा सिलाई व्यवसायमा आबद्ध व्यवसायीहरूको हकहित, व्यवसाय प्रवर्द्धन तथा व्यावसायिक एकताका लागि प्रभावकारी भूमिका निर्वाह गर्ने अपेक्षा गरिएको छ ।
