दाङ तुलसीपुर कारागारका कैदीबन्दीलाई गन्जी र तरुल सहयोग गरिएको छ । तुलसीपुर-६ निवासी समाजसेवी टोपबहादुर महतारा र इमरायन कपडियाले माघी पर्वको अवसरमा कारागारका कैदीबन्दीलाई गन्जी र तरुल सहयोग गरेका हुन ।
महिला र पुरुष दुवै कारागारका कैदीबन्दीलाई आज बिहान ६१ केजी गन्जी र तरुल सहयोग गरिएको समाजसेवी महताराले जानकारी दिए । कैदीबन्दीले पनि तरुल र गन्जी खाएर माघी पर्व मनाउन भन्ने उद्देश्यका साथ सहयोग गरिएको उनको भनाई छ ।
माघीको दिनमा गन्जी तरुल पाएपछि कैदीकन्दीले धन्यवाद ज्ञापन समेत गरेका छन् । समाजसेवी महताराले विभिन्न समयमा कारागारका कैदीबन्दीलाई सहयोग गर्ने गरेका छन । उनले विभिन्न ठाउँका कैदीबन्दीका बालबालिकालाई पढाउने जिम्मेवारी लिएर अभिभावकत्वसमेत ग्रहण गरिरहेका छन ।
प्रकाशित मिति : २०७९ माघ १ गते आइतवार
