दाङको घोराहीमा सञ्चालन हुन लागेको लुम्बिनी प्रदेशस्तरीय साना तथा घरेलु उद्योग, पर्यटन तथा कृषि प्रदर्शनी २०७९ मा आउने कलाकारको ब्यानर सार्वजनिक गरिएको छ ।
‘‘साना तथा घरेलु उद्योगको विकास र विस्तार, लुम्बिनी प्रदेशको समृद्धिकोआधार’ भन्ने मुल नाराका साथ प्रदर्शनी यहीँ फागुन ३ देखि १३ गतेसम्म दाङ घोराही उपमहानगरपालिका–१४ झिगौरामा सुरु हुदै छ ।
प्रदर्शनीमा महानायक राजेश हमाल, नायकहरु आर्यन सिग्देल,रमित ढुंगाना लगायत राष्ट्रियस्तरका चर्चित कलाकार प्रकाश सपुत, प्रमोद खरेल, मेलिन राई, शान्ति श्री परियार , एलिना चौहान, पुष्कर शर्मा, ज्योति मगर, लगायतका करिब ५० बढी राष्ट्रीय तथा स्थानीय कलाकारहरु आउने भएका छन । नेपाल घरेलु तथा सानाउद्योग महासंघ दाङको आयोजनामा हुने प्रदर्शनीको तयारी तीब्र पारिएको संघका अध्यक्ष तथा मूल आयोजक समितिको संयोजक प्रदीप मजगैयाँले जानकारी दिएका छन ।
प्रदर्शनीमा करिब करिब ३ सय स्टलहरु रहने छन । जस्मा लघु, घरेलु कृषि एवं महिला उद्यमशिलता, पर्यटन, औद्योगिक तथा व्यापारिक प्रतिष्ठान, क्षेत्रका स्टलहरु रहने छन् र प्रदेशभरिका महासंघआबद्ध एक सय स्टल निःशुल्क हुने पनि आयोजकले जनाएको छ । यसैगरी प्रदर्शनी अवधिभर थुप्रै स्थानीय तथा राष्ट्रिय कलाकारहरुको प्रस्तुती समेत रहने आयोजकले बताएको छ ।