दाङ, १० माघ । दाङ तुलसीपुर-६ गोलौरा निवासी टोप बहादुर महताराले जन्मदिनको अवसरमा मानव आश्रममा रहेका सडक मानवहरुलाई विहानको खाना खुवाएका छन ।
महताराले आफ्नो ५०औँ जन्मदिनको अवसरमा तुलसीपुर-६ गाइडहरमा रहेको मानवसेवा आश्रमा रहेका मानवहरुलाई खाना खुवाएर जन्मदिन मनाएका हुन ।
जन्मदिनमा फजुल खर्च गर्ने प्रवृति बढ्दै गएको समयमा महताराले खाना खुवाएर जन्मदिन मनाउने निणर्य गरेका हुन । जन्मदिन मनाउने शैलीले समाजमा सहयोगी भावनाको विकास गरोस भन्ने उद्देश्यले आश्रममा पुगेको महताराले बताए । जन्मदिन मनाउन महतारा संगै उनकी श्रीमती गिता देवकोटा महतारा पनि आश्रम पुगेकि थिईन ।
त्यस अवसरमा आश्रमका गरीमा लक्ष्मीनारायण तथा बालगोपालहरुलाई जन्मदिनको अवसरमा खाना खुवाएर असल कर्म गरेको भन्दै महतारालाई मानव सेवा आश्रम दाङका प्रमुख हिरु जोशीले जन्मदिनको शुभकामनासंगै धन्यवाद ज्ञापन गरेका थिए ।
