दाङ, ५ फागुन । दाङको तुलसीपुर ९ वेलुवामा रहेको सगरमाथा बोर्डिङ स्कुलको १७ औँ बार्षिकोत्सव सम्पन्न भएको छ । बार्षिक उत्सव कार्यक्रमलाइ सम्बोधन गर्दै प्रमुख अतिथि समेत रहेका तुलसीपुर उपमहानगरपालिकाका मेयर टिकाराम खड्काले बालबालिकालाई किताबी ज्ञानमा मात्र उन्मुख नगराइ भविष्यमा श्रम बेचेर खान सक्ने बनाउनुपर्ने बताएका हुन । उनले बालबालिकाको पहिलो पाठशाला घर भएकाले आमाबाबुले उचित संस्कार सिकाउनुपर्ने कुरामा जोड दिएका हुन । सो अवसरमा विद्यालयका प्रिन्सीपल छवी कुमार वलीले विधार्र्थीको रुचि, चाहाना र क्षमता अनुसारको शिक्षा विद्यालयले प्रदान गर्दै आएको जानकारी दिएका हुन । किताबी ज्ञान मात्र प्रदान नगरी बालबालिकाको क्षमता पहिचान र विकासका लागि संगीत कक्षा, नृत्य कक्षा, खेल, नाटक, जस्ता कक्षाको व्यवस्था गरेको बताएका हुन । कार्यक्रममा विद्यार्थीहरुले विभिन्न खालका गित, नृत्य, नाटक जस्ता प्रतिभा प्रदर्शन गरेका थिए । सोहि अवसरमा बालबालिकाहरुलाइ ह्यान्डराइटिङ, उच्च खेलाडि, अनुशासित विद्यार्थीहरुलाइ पुरस्कृत गरीएको थियो । विर बहादुर वि क को स्वागत मन्तव्यबाट सुरु भएको कार्यक्रमको सहजीकरण शरद शर्मा मज्गैयाले गरेका थिए ।
