दाङ, २८ चैत । राप्ती बबई क्याम्पस तुलसीपुर, दाङको अन्तर विभागिय खेल प्रतियोगिता २०८० को उपाधी बिएड ले हात पारेको छ । राप्ती बबई क्याम्पस तुलसीपुर दाङको १८ औं वार्षिक साधारण सभाको अवसरमा आयोजित अन्तर विभाग खेल प्रतियोगिता -२०८० उपाधी बिएडले हात पारेको हो ।
पाँच दिन सम्म संचालन भएको छात्र, छात्रा दुबै तर्फको भलिबल तथा कपड्डि प्रतियोगितामा छात्रा भलिबल तर्फ BED `A´ ले कलास १२ शिक्षा संकायलाई दुई एक सेटले पछि पार्दै प्रथम स्थान हासिल गरेको हो । द्वितीय कलास १२ शिक्षा संकाय ब्गएको छ । त्यस्तै कपड्डी छात्रा तर्फ प्रथम स्थान BBS `A´ ले हात पारेको छ भने द्वितीय स्थान BED`A´ ले हात पारेको छ ।
यस्तै छात्र तर्फ भलिबलमा BBS `B´ लाई तीन सेटले पछि पार्दै B.ED `A´ प्रथम स्थान हासिल गरेको छ भने BBS `B´ द्वितीय र कलास १२ लाई दुई एक सेटले पछि पार्दै B ED `B´ ले तृतीय स्थान हासिल गरेको छ । कपड्डी छात्र तर्फ BED `A´ ले प्रथम स्थान हात पारेको छ भने B ED `B´ ले द्वितीय स्थान हात पारेको हो ।
उक्त खेल प्रतियोगितामा विभिन्न अन्तर विभागीय बाट छात्र भलिबलमा ८ टिम र छात्रा भलिबलमा ४ टिम अनि कपड्डी तर्फ छात्र,छात्रा दुबै वाट चारचार टिम सहभागी भएको खेल शिक्षक सुदीप नेपालीले बताउनुभएको हो ।
