दाङ, ९ जेठ । राप्ती लोकमार्ग शुक्रबारदेखि दैनिक १० घण्टा बन्द हुने भएको छ । राप्ती लोकमार्गअन्तर्गत तुलसीपुर उपमहानगरपालिका– ३ को राम्रीदेखि सल्यानको कपुरकोटसम्मको साघुरो सडकलाई फराकिलो पार्ने काम गर्नुपर्ने भएपछि १० दिनसम्म दैनिक १० घण्टा सडक बन्द गरिने भएको छ ।
जिल्ला प्रशासन कार्यालय दाङका प्रशासकीय अधिकृत निमबहादुर केसीले जेठ ११ देखि २० गतेसम्म बिहान ११ देखि बेलुका ५ बजेसम्म र राती ९ देखि १२ बजेसम्म आवागमन बन्द गरिने जानकारी दिएका हुन ।
वैकल्पिक मार्गकारूपमा साना सवारी साधनका लागि पैयाखोरिया, सातवास, किमुचौर हुँदै कपुरकोट सडक व्यवस्था गर्न सकिने बताइएको छ । राप्ती राजमार्गअन्तर्गत तुलसीपुर कपुरकोट सडकखण्ड साघुरो हुँदा दैनिक दुर्घटना हुँदै आएका छन् ।
प्रकाशित मिति : २०८१ जेष्ठ ९ गते बुधवार
