दाङ, १ असार । ओलम्पीक डेको अवसरमा लुम्बिनी प्रदेश तेक्वान्दो संघले आज सरसफाई गरेको छ ।
ओलम्पिक डे २०२४ का अवसरमा आज (शनिबार) बिहान तुलसीपुरमा प्रभातफेरी कार्यक्रमको आयोजना गरिएको थियो । प्रभातफेरीसंगै तुलसीपुर ८ दुधेनामा रहेको लुम्बिनी प्रदेश तेक्वान्दो कबर्डहल परिसरमा सरसफाई गरेको हो ।
त्यस अवसरमा लुम्बिनी प्रदेश तेक्वान्दो संघका अध्यक्ष विमल रिजालले खेलकुद क्षेत्रको विकासको लागि आफु निरन्तर लागि परेको बताएका हुन । उनले तेक्वान्दो खेलमा लुम्बिनी प्रदेशलाई देशकै उत्कृष्ट बनाउने गरी काम भइरहेको बताएका हुन ।
राष्ट्रिय खेलकुद परिषद्का प्रशिक्षक सुमन घलेले खेलमा अनुशासन हुनुपर्नेमा जोड दिएका हुन । खेलाडीको क्षमता विकासको लागि विभिन्न समयमा प्रशिक्षणात्मक कार्यक्रमहरु गरिरहेको बताउँदै आगामी दिनमा पनि निरन्तरता दिने बताएका हुन ।
सरसफाई कार्यक्रममा विभिन्न डोजाङका खेलाडीहरुको सहभागिता रहेको प्रेस सल्लाहकार दीपक कुमालले जानकारी दिएका हुन ।
