दाङ, २२ असार । दाङमा बाढीमा फसेका दुई जनाको उद्धार गरिएको छ भने एक जना बेपत्ता भएका छन् । लमही नगरपालिका–७ हस्नापुरमा राप्ती नदीको फसेकाहरुको उद्धार गरिएके प्रहरीले जनाएको छ । राजपुर गाउँपालिका–२ का किसान दूध बिक्री गर्न लमही आएका र फर्किने क्रममा राप्ती नदीको बाढीमा फसेका थिए ।
तीन जनासँगै रहे पनि एक जनालाई बाढीले बगाएको हो ।प्रहरीका अनुसार दुई जना रुखमा चढेर ज्यान जोगाएका छन् । सशस्त्र प्रहरी बल–४१ नम्बर रिजर्भ गण अर्जुनखोलाबाट खटिएका सुरक्षाकर्मीले उनीहरूलाई सकुशल उद्धार गरेको प्रहरी सहायक निरीक्षक प्रकाश ढकालले जानकारी दिनुभयो । राजपुर–२ का ४८ वर्षीय तुलाराम यादव र ४० वर्षीय दयाराम यादवको उद्धार गरिएको हो । अर्का १८ वर्षीय राजकुमार यादव बाढीमा बेपत्ता भएका प्रहरीले जनाएको छ । यादवको खोजी भइरहेको छ ।
प्रकाशित मिति : २०८१ असार २३ गते शनिवार
