निरला अर्याल
दाङ, २२ असार । लायन्स क्लब अफ दाङ र लियो क्लव अफ दाङको पद हस्तान्तरण तथा सपथ ग्रहण कार्यक्रम तुलसीपुरमा सम्पन्न भएको छ । शनिबार कार्यक्रमको आयोजना गरी नव निर्वाचित लायन्स र लियो पदाधिकारीहरूलाई पद हस्तान्तरण तथा सपथ कार्यक्रम सम्पन्न भएको हो ।
लायन्स क्लबका वर्ष २०२३/२०२४ का अध्यक्ष भागवत भट्टराई वर्ष २०२४/२०२५ का अध्यक्ष गोरख ओलि र लियोका सत्यनारायण सत्य नारायण चौधरीको संयुक्त अध्यक्षता तथा डिस्ट्रिक ३२५ एन का गभर्नर पिएमजेएफ लायन बिनोद कुमार श्रेष्ठको प्रमुख आतिथ्यतामा कार्यक्रम सम्पन्न भएको थियो ।
कार्यक्रममा प्रमुख अतिथि श्रेष्ठले वर्ष २०२४/२०२५ मा डिस्ट्रिक ३२५ एन गवर्नरलें गर्ने कार्यक्रम को बारेमा जानकारी दिनु भयो। ३२५ एन अन्तर्गत कर्णाली प्रदेश सुदुर पश्चिम,लुम्बिनीको केही जिल्ला कार्य क्षेत्र पर्दछन् । विश्वभर १५ लाख लयन बनाउने उद्देश्य रहेकोमा नेपालमा मात्र करिब ४० हजार लायन्स भएको डिष्ट्रिक ३२५ यान का क्याबिनेट सेक्रेटरी टीकाजंग बिकेले जानकारी दिएका हुन ।
कार्यक्रममा लायन्सका पूर्व अध्यक्ष लालितजंग साह, तुलसीपुर नगर जेसिजका अध्यक्ष पूर्ण विक्रम डाँगी, लियोका संस्थापक अध्यक्ष ध्रुवराज न्यौपाने , डीलाइट ग्रुप का सिइयो मोहन भण्डारी लगायतकाले समाजमा शिक्षा , स्वासथ्य, वातावरण र अन्य प्राकृतिक प्रकोपमा उत्कृष्ट कार्य गर्दै अगाडि बढेको बताउनु भयाे। कार्यक्रको स्वागत मन्तव्य लायन्स का पूर्व अध्यक्ष भोजराज न्यौपानेले गरेका थिए कार्यक्रमको सहजिकरण सचिव कोमल डिसीले गरेका थिए ।
यसै बीच मानव जीवन र वातावरण संरक्षणको हित र पत्रकारिताको उच्च मूल्याङ्कन गरी प्रभात भण्डारी र टेकराज भण्डारीलाई सम्मान गरिएको थियो ।
