दाङ, २६ मंसिर । दाङको तुलसीपुरमा मोटरसाइकल दुर्घटना हुँदा घाइते एक जनाको उपचारको क्रममा मृत्यु भएको छ । गत आइतबार दिउँसो सवा २ बजेको समयमा खाद्रे बनहरीबाट तुलसीपुर तर्फ आउँदै गरेको लु प्र ०२–००१ प १७१७ नम्बरको मोटरसाइकल अनियन्त्रित भई रुखमा ठोक्किँदा एक जनाको मृत्यु भएको थियो, भने दुई जना घाइते भएका थिए ।
मोटरसाइकल दुर्घटनामा गम्भीर घाईते भएका तुलसीपुर उपमहानगरपालिका ४ घोरनेटी निवासी १८ वर्षीय सन्दीप ओलिको बुधबार बिहान करिब पौने ६ बजेतिर नेपालगन्ज नर्सिङ होममा उपचारको क्रममा मृत्यु भएको छ । मोटरसाइकल सडकदेखि ५ मिटर तल खसेको थियो ।
प्रकाशित मिति : २०८१ मङ्सिर २६ गते बुधवार
