दाङ, १७ फागुन । लुम्बिनी प्रदेश सरकार स्वास्थ्य मन्त्रालय, स्वास्थ्य निर्देशनालय तथा राप्ती आयुर्वेद चिकित्सालय, तुलसीपुरको आयोजनामा नसर्ने रोगहरूको पहिचानका लागि एक महिने स्वास्थ्य अभियान सुरू भएको छ ।
तुलसीपुर उपमहानगरपालिका–४, ठुलाखालीस्थित शिव, गणेश, कृष्ण मन्दिरमा सञ्चालन भइरहेको यो अभियान अन्तर्गत ३० वर्षमाथिका नागरिकहरूका लागि निःशुल्क स्वास्थ्य परीक्षण सेवा प्रदान गरिनेछ ।
स्वास्थ्यकर्मी रमेश केसीका अनुसार, अभियानमा निम्न स्वास्थ्य परीक्षणहरू गरिनेछन्:-
– रक्तचाप जाँच
– उचाइ र तौलको आधारमा BMI परीक्षण
– ब्लड सुगर परीक्षण
– पिसाब परीक्षण (मृगौलासम्बन्धी रोगको जाँच)
– स्वास्थ्य सम्बन्धी सम्पूर्ण परामर्श सेवा
महिना दिनसम्म सञ्चालन हुने यो अभियानले नागरिकहरूको नसर्ने रोगहरूको पहिचान र रोकथाममा महत्वपूर्ण भूमिका खेल्ने आयोजकको विश्वास छ ।
कार्यक्रमका प्रमुख अतिथि वडा नं. ४ की वडा सदस्य नारायणी पुन रहनुभएको थियो भने सहजीकरण समाजसेवी कृष्ण खड्का र नन्दलाल पुनले गरेका थिए ।
