नेपाल भलिबल संघले नेपाली राष्ट्रिय टोली स्पाइकर मानबहादुर श्रेष्ठ लाई नेपालको राष्ट्रिय भलिबल टोलीको नयाँ कप्तान चुनेको छ।
गत साता त्रिभुवन आर्मी क्लब र गण्डकी प्रदेशबीच खेलमा भएको विवादमा मुछिएपछि संघले कप्तानबाट हरिहजुर थापालाई पदमुक्त गरे संगै मानबहादुर श्रेष्ठलाई नयाँ कप्तान चुनेको हो ।
शनिबारबसेको कार्यसमितिको बैठकले हरिहजुर थापालाई पदमुक्त गरिएको उक्त निर्णयपछि सोमबार नै कार्यसमितिले नयाँ कप्तानमा श्रेष्ठलाई चयन गरेको हो । नेपालले अब मानबहादुरकै कप्तानीमा एसियाली खेलकुदमा सहभागिता जनाउने बताएको छ ।
त्रिभुवन आर्मी क्लबबाट घरेलु भलिबल खेल्दै आएका मानबहादुर ८ वर्षदेखि राष्ट्रिय टोलीमा खेल्दै आएका छन् । २६ वर्षीय ओपन स्पाइकरले यसअघि राष्ट्रिय बीच भलिबल टोलीको कप्तानी गर्दै सफलता पनि दिलाएको अनुभव अनिमा रहेको छ । उनले यसअघि आर्मीको कप्तानी पनि गरिसकेका छन् ।