दाङ, ५ असोज । दाङको तुलसीपुरमा खुकुरी प्रहारबाट एकजना घाइते भएका छन् । घाइते हुनेमा तुलसीपुर १३ बखरियाका ३४ वर्षीय रणदेब बस्नेत रहेको इलाका प्रहरी कार्यालय तुलसीपुरका प्रहरी निरीक्षक नवराज केसीले जानकारी दिएका छन । तुलसीपुरको वसपार्क स्थित हिमालय होटल नजिकै सामान्य विवाद हुदा तुलसीपुर १० राइखल्यानका २८ वर्षीय राममणी चौधरीले धारिलो हतियार खुकुरी प्रहार गरेको प्रहरी निरीक्षक केसीले बताएका छन ।
घटना गएराती १२ बजेको समयमा भएको र घाइतेको हातमा गहिरो चोट लागेको बसपार्क इन्चार्ज (असई) आचार्यले बताएका छन । घाइतेको राप्ती प्रादेशिक अस्पताल तुलसीपुरमा सामान्य उपचार पछी थप उपचारका लागी नेपालगञ्ज मेडिकल कलेज कोहोलपुरमा रिफर गरिएको इलाका प्रहरी कार्यालय तुलसीपुरले जनाएको छ । खुकुरी प्रहार गर्ने चौधरीलाई खुकुरी सहित नियन्त्रणमा लिएर घटनाको विषयमा अनुसन्धान भइरहेको प्रहरी निरीक्षक केसीले बताएका छन ।
