दाङ, ८ असोज । सल्यानमा तरकारी बोकेको जीप दुर्घटना हुँदा दुई जनाको मृत्यु भएको छ ।
रोल्पाबाट दाङको तुलसीपुर आउँदै गरेको रा १ च १०२५ नम्बरको सिंगल क्याप जीप दुर्घटना हुँदा दुई जनाको घटना स्थलमै मृत्यु भएको हो ।
प्रहरी कार्यालय सल्यानका अनुसार विहान सवा ६ बजेतिर कपुरकोट गाउँपालिका ३ चोरखोला नजिक सेतापैरामा भन्ने ठाउँमा दुर्घटनामा परेको हो ।
मृतकको पहिचान हुन सकेको छैन । अनियन्त्रित भइ जीप दुर्घटना भएको र करिव सडकबाट साढे तीन सय मिटर तल खसेको थियो । दुर्घटनामा थप एक जना घाइते भएका छन् ।
प्रकाशित मिति : २०८० असोज ८ गते सोमवार
