वीरगञ्ज, १९ असोज । धारिलो हतियार प्रहार गरी शुक्रबार वीरगञ्जमा एक महिलाको हत्या भएको छ। वीरगञ्ज महानगरपालिका–१ छपकैया बस्ने पुनम देवीको हत्या भएको हो ।
पुनमको शव शुक्रबार आफ्नै घरमा फेला परेको हो । शव हेर्दा टाउकोमा धारिलो हतियार प्रहार गरेको देखिएको पर्साका प्रहरी उपरीक्षक कोमल शाहले जानकारी दिए । सूचना पाएपछि घटनास्थल पुगेको प्रहरी टोलीले शव नियन्त्रणमा लिई पोष्टमार्टमको लागि नारायणी अस्पतालमा पठाइएको तथा घटनाको सम्बन्धमा थप अनुसन्धान भइरहेको उनले बताए ।
घटनास्थलमा तालिमप्राप्त कुकुर पनि अनुसन्धानको लागि मगाइएको थियो। मृतक महिलाका श्रीमान् कामको शिलशिलामा र छोरा अध्यनको लागि भारतमा बस्दै आएका छन् ।
प्रकाशित मिति : २०८० असोज १९ गते शुक्रवार
