दाङ, ५ कार्तिक । दाङको तुलसीपुरमा खोलामा डुबेर एक बालिकाको मृत्यु भएको छ । मृत्यु हुनेमा राजपुर गाउँपालिका १ गुरुङखोला घर भई तुलसीपुरमा मामा घर आएकी सुन्तली खड्काकी ७ वर्षिया छोरी समिक्षा खड्का रहेको इलाका प्रहरी कार्यालय तुलसीपुरका प्रवक्ता एवम् प्रहरी निरीक्षक नवचन्द्र मल्लले जानकारी दिएका हुन ।
प्रहरीका अनुसार तुलसीपुर ७ र १६ को सिमानामा पर्ने ग्वारखोलाको मलवारे कुलोको बाँध नजिकै खाल्डोमा जमेको पानीमा डुबेर उनको मृत्यु भएको हो । उनी केहीदिन अघिमात्रै मामा घर आएकी थिइन् ।
प्रकाशित मिति : २०८० कार्तिक ५ गते आइतवार
