दाङ, २ माघ । दाङको तुलसीपुरमा यात्रुबहाक जिप दुर्घटना हुदा १० जना घाइते भएका छन् ।
प्रहरीका अनुसार बाँकेको बैझापुरबाट तुलसीपुरतर्फ आउदै गरेको रा १ ज ७०५ नम्बरको जिपको तुलसीपुर–अमिलिया सडकखण्ड अन्तर्गत तुलसीपुर ११ को उरहरीमा आज मंगलबार बिहान दुर्घटनामा परेको हो ।
दुर्घटनामा पनि घाइते हुनेमा जिप चालक दाङको शान्तिनगर गाउँपालिका ६ निवासी २२ वर्षिय सन्दिप खड्का, जिपमा सवार शान्तिनगर – ५ निवासी १८ वर्षिय समिर चौधरी, २४ वर्षिय शंकर रावत, शान्तिनगर ६ का २२ वर्षीय कृष्ण चौधरी, सोही ठाउँका २३ वर्षिय किरण चौधरी, १९ वर्षिय समिर चौधरी, २८ वर्षिय सरद जैशी, रोल्पाको गंगादेव गाउँपालिका ६ का २२ वर्षिय चुडामणी ओली र सल्यानको शारदा नगरपालिका ८ का २१ वर्षीय निमलाल सेजुवाल रहेको इलाका प्रहरी कार्यालय तुलसीपुरले जानकारी दिएको छ ।
अहिले घाईतेको राप्ती प्रादेशिक अस्पतालमा उपचार भइरहेको छ ।
