दाङ, ११ वैशाख । समयमै पढाई संचालन नभएको भन्दै क्याम्पस अफ लाइफ साइन्सेस तुलसीपुर दाङमा विद्यार्थीहरुले क्याम्पसमा ताला लगाएका छन । उक्त क्याम्पसमा बिएसी एजि पहिलो सेमेस्नटरमा भर्ना लिएका विद्यार्थीहरुको गत माघ महिना देखी पढाई नभएको भन्दै विद्यार्थीहरुले मंगलबार क्याम्पसमा ताला लगाएका हुन ।
विद्यार्थीहरुले एक बिज्ञप्ती जारी गर्दै क्याम्पसले बिगत देखि नै भोलि – भोलि भनेर टारिरहेकाे र विद्यार्थीहरुको भविष्य माथी खेलवाड गरि रहेको भन्ने जनाएका छन । आजकै मिति देखि कलेज प्रसासन र सम्पुर्ण कक्षाकाे पठनपाठन बन्द हुने गरि ताला लगाएको एक विद्यार्थीले जानकारी दिएका छन । आफ्ना मागहरु सुनुवाइ नभए आफुहरु कानुनी प्रक्रियामा जाने र माग पूरा नभए सम्म कलेज प्रसासन बन्द रहने उनले जानकारी दिएका छन । विद्यार्थीहरुको यो कार्यमा नेपाल विद्यार्थी सघ र अनेरास्ववियुले समेत समर्थन जनाएका छन ।
