दाङ, १७ वैशाख । रोजगारीको शिलशिलामा दुवई पुगेकी दाङ तुलसीपुरकी ३६ वर्षिया लिला पाण्डे करिब दुई हप्तादेखि सम्पर्क बिहिन भएकी छिन । तुलसीपुर उपमहानगरपालिका वडा नम्बर १ भमके निवासी पाण्डे गत बैशाख ४ गते मंगलबार राती दुवईको साजा भन्ने ठाउँबाट सम्पर्क बिहिन भएकी हुन । दुवईमा आएको भारी वर्षाका कारण जाम परेकी पाण्डे सम्पर्क बिहिन भएपछि परिवारले खोजिका लागि पहल गरिदिन सबैमा आग्रह गरेको छ । उनलाई देख्नुहुने महानुभावले ९८५६०३८३९१ सम्पर्क गरिदिन उनका भतिज प्रकाश पाण्डेले आग्रह गरेका छन ।
लिला साढे दुई वर्षअघि रोजगारीका लागि दुवई पुगेकि थिईन । ५ वर्षअघि श्रीमानको निधन भएपछि आर्थिक समस्यामा परेकी उनि दुई छोरीलाई आफन्तको मा छोडेर साढे दुई वर्षअघि दुवईमा रोजगारीका लागि गएकी थिइन । तर करिब दुई हप्तादेखि सम्पर्क बिहिन भएपछि परिवारले खोजिमा सहयोग गरिदिन सबैमा अनुरोध गरेको छ ।
