बसको ठक्करबाट अटोमा सवार ५ जना घाइते

दाङ, २६ जेठ । दाङमा बसले अटोलाई ठक्कर दिँदा पाँच जना घाइते भएका छन् । शनिबार करिब ४ बजे दाङको तुलसीपुर उपमहानगरपालिका-७ स्थित राप्ति राजमार्गमा रा १ ह २२०७ नम्बरको अटोलाई तुलसीपुरबाट सल्यान जाँदै गरेको रा १ ख २०३७ नम्बरको बसले ठक्कर दिएको हो ।

बसको ठक्करबाट अटोमा सवार रहेका पाँच जना घाइते भएको र तीमध्ये तीन जनाको अवस्था गम्भीर रहेको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिएका छन । गम्भीर घाइते‍हरू दुई वर्षका, ८ वर्षका र १२ वर्षका बालक रहेको प्रहरीले जनाएको छ । उनीहरूलाई उपचारका लागि राप्ति प्रादेशिक अस्पताल पठाइएको छ ।