टिपर दुर्घटना हुँदा एक जनाको मृत्यु

काठमाडौ, २९ जेठ । अर्घाखाँचीमा टिपर दुर्घटना हुँदा एक जनाको मृत्यु भएको छ भने दुई  जना घाइते भएका छन् । सोमबार राति पौने १० बजेतिर अर्घाखाँची जिल्ला क्षत्रदेव गाउँपालिका-७ देउरालीस्थित देउराली तम्घास भित्री सडकखण्डमा  टिपर दुर्घटना हुँदा एक जनाको मृत्यु हुनुका साथै दुई जना घाइते भएको जिल्ला प्रहरी कार्यालय गुल्मीका प्रहरी नायब उपरीक्षक शंकर पोखरेलले जानकारी दिए । 

मृत्यु हुनेमा अर्घाखाँचीको सन्धिखर्क नगरपालिका-८ खाँची बस्ने २६ वर्षीय रामलाल पुरी रहेका छन् । 

त्यस्तै दुर्घटनामा छत्रदेव-७ का ३३ वर्षीय रिसभ केसी र शीतगंगा नगरपालिका(२ का २९ वर्षीय नवीन घिमिरे घाइते भएका छन् । घाइते भएका दुई जनालाई गुल्मी अस्पतालमा सामान्य उपचार पछि थप उपचारका लागि पाल्पा पठाएको प्रहरीले जनाएको छ ।