दाङ, ४ असार । दाङको तुलसीपुरमा स्कुल बसले स्कुटरलाई ठक्कर दिदा ३ जना घाइते भएका छन् । घाइते हुनेमा बस चालक तुलसीपुर–का ५६ वर्षीय नन्द बहादुर पुन, स्कुटर चालक तुलसीपुर–३ का ४७ वर्षीय प्रेम चन्द र पछाडी सवार उनकै १४ वर्षीय छोरा साजन चन्द रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकार दिएका छन ।
प्रहरीका अनुसार विद्यार्थी लिन जादै गरेको हाम्रो पहुँच बोर्डीङ स्कुलको ना.अ.प.ब. ४९३ नम्बरको बसले तुलसीपुरको सुनिल स्टेशनरी चोक नजिकै रा ६ प ८८८७ नम्बरको स्कुटरलाई आज बिहान ६ बजेको समयमा ठक्कर दिदा दुर्घटना भएको हो । दुर्घटनामा परी घाइते भएका तिनै जनाको राप्ती प्रादेशिक अस्पताल तुलसीपुरमा उपचार भइरहेको प्रहरीले जनकारी दिएको छ ।
प्रकाशित मिति : २०८१ असार ५ गते मङ्गलवार
