दाङ, ६ असार । तुलसीपुरमा ट्रक र मोटरसाइकल एकआपसमा ठोक्किदा ३ जना घाइते भएका छन् । आज दिउँसो करिब सवा ३ बजेतिर तुलसीपुर १७ झिगै चोक स्थित तुलसीपुरबाट घोराही तर्फ जादै गरेको ना ६ ख ४९४२ नम्बरको ट्रकलाई औभरट्याक गर्ने क्रममा सोही दिशा तर्फ जादै गरेको रा ४ प ५३६४ नम्बरको मोटरसाइकललाई ठक्कर दिदा ३ जना घाइते भएको इलाका प्रहरी कार्यलय तुलसीपुरका सूचना अधिकारी प्रकाश थापाले जानकारी दिएका छन ।
घाइते हुनेहरुमा मोटरसाइकल चालक तुलसीपुर १६ बस्ने २३ वर्षिय शरद वली, पछाडी सवार तुलसीपुर १७ झिनुवा बस्ने २२ वर्षिय दिनेश गिरी र तुलसीपुर २ खैरीपुर बस्ने २४ वर्षीय शाजन गिरी रहेका छन् । उनीहरुको राप्ती प्रादेशिक अस्पताल तुलसीपुरमा उपचार भैरहेको प्रहरीले बताएको छ । उनीहरु मोटरसाइकलमा ३ जना सवार थिए । ट्रकलाई ओभरट्याक गर्ने क्रममा दुर्घटना भएको हो ।
त्यस्तै ट्रक र ट्रक चालकलाई नियन्त्रणमा लिई थप अनुसन्धान भैरहेको प्रहरीले बताएको छ ।
