कार दुर्घटना हुँदा तीन जना घाइते

दाङ, १५ असार । दाङको तुलसीपुरमा कार दुर्घटना हुँदा ३ जना घाइते भएका छन् । घाइते हुनेमा कार चालक तुलसीपुर–६ का २५ बर्षिया बिजय गिरि, कारमा सवार तुलसीपुर–१२ का २७ वर्षीय जोयल गिरि र तुलसीपुर–११ का २७ वर्षीय कृष्ण केसी रहेको ईलाका प्रहरी कार्यलय तुलसीपुरका प्रहरी निरीक्षक तथा सुचना अधिकारी प्रकाश थापाले जानकारी दिएका छन ।

उनका अनुसार तुलसीपुरबाट घोराही तर्फ जाँदै गरेको बा १६ च १९५५ नम्बरको कार तुलसीपुर–७ राजापुरमा गएराती ८ बजेको समयमा अनियंत्रित भएर दुर्घटना भएको थियो । कारमा ५ जना सवार रहेकामा अन्य २ जना भने शकुसल रहेका छन् । घाइते ३ जनाको राप्ती लाईफ केयर हस्पिटल तुलसीपुरमा उपचार भइरहेको प्रहरीले जनकारी दिएको छ ।