बलात्कार आरोपमा सल्यानका वलि पक्राउ

सल्यान, २२ असार । सल्यानमा बलात्कार आरोपमा एक ब्यक्ति पक्राउ परेका छन् । जिल्लाको त्रिवेणी गाउँपालिका – ३ टाट्केका ४२ बर्षीय टोपबहादुर वलीलाई पक्राउ गरिएको जिल्ला प्रहरी प्रबक्ता प्रहरी निरीक्षक भवानीप्रशाद धमलालले जानकारी दिएका हुन । वलीले स्थानीय एक ४३ बर्षीया महिलालाई १९ गते बेलुका आठ बजे उनकै घरमा कोही नभएको मौका छोपी जवरजस्ती बलात्कार गरेका पीडितले जाहेरीमा उल्लेख गरेकी छन ।

इलाका प्रहरी कार्यालय लुहाममा पीडितले असार २० गते वलीका बिरुद्ध किटानी जाहेरी दिएकी थिइन । पीडित पक्षकै सुराकीको आधारमा वलीको घर खान तलासी गर्दा एक थान भरुवा बन्दुक लुकाइ छिपाइ राखेको अवस्थामा फेला परेको प्रहरी निरीक्षक धमलाले जानकारी दिएका हुन ।