दाङ, २० साउन । तुलसीपुर-घोराही सडक खण्ड आइतबार बिहान देखि अवरुद्ध भएको छ । टिप्परको ठक्करबाट मृत्यु भएका मोटरसाइकल चालक कुल बहादुर बस्नेतका आफन्तहरुले सडक खण्ड अवरुद्ध गरेका छन् ।
शनिबार राती ८:४० बजे घोराही –तुलसीपुर सडक खण्ड अन्तर्गत सौरी कुलामा घोराहीबाट तुलसीपुर आउँदै गरेको लु २ ख ५०८५ नम्बरको टिप्परले विपरीत दिशातर्फ गईरहेको बा ५८ प ५६०५ नम्बरको मोटरसाइकललाई ठक्कर दिएको थियो । ठक्करबाट गम्भीर घाइते भएका बस्नेतको राप्ती स्वास्थ्य विज्ञान प्रतिष्ठानमा उपचारको क्रममा मृत्यु भएको थियो ।
प्रकाशित मिति : २०८१ साउन २० गते आइतवार
