दाङ, २७ साउन । सल्यानको कपुरकोटमा कार्यरत एक जना प्रहरी जवानको ट्रकको ठक्करबाट मृत्यु भएको छ । अर्का एक जना घाइते छन् । सुर्खेतको भेरीगंगा नगरपालिका – ९ घर भइ सल्यानस्थित प्रहरी चौकी कपुरकोटमा कार्यरत प्रहरी जवान महेन्द्र बिकको शनिबार बाँकेमा भएको दुर्घटनामा परि मृत्यु भएको हो ।
शनिबार बिहान बाँके जिल्लाको बैजनाथ गाउँपालिका – ५ जी गाउँ चोकमा भे १ क २०६२ नम्बरको ट्रकले प्रहरी जवान बिकले चलाएको बा. प्र ०३–००५– प २०५५ नम्बरको मोटरसाइकललाई ठक्कर दिएको थियो । गम्भीर घाइते बिकको मेडिकल कलेज कोहलपुरमा उपचारका क्रममा मृत्यु भएको इलाका प्रहरी कार्यालय कोहलपुरले जानकारी दिएको छ ।
मोटरसाइकलमा सवार अर्का ब्यक्तिपनि गम्भीर घाइते छन् । उनको उपचार जारी रहेको प्रहरीले जानकारी दिएको छ । अर्का घाइते को हुन भन्ने बारे प्रहरीले सार्वजनिक गरेको छैन ।
प्रकाशित मिति : २०८१ साउन २७ गते आइतवार
